Ярымфиналда Семенов  ⁄ Кошкарев парының уйнаячаны аеруча куандыра. Безнең егетләр финалга чыгу өчен, россиялеләр Прокопьев һәм Богатов дуэтын җиңгән ярышларның фаворитлары булган, Кадзиола ⁄ Сзланкевич пары белән көч сынашачак.

 Икенче ярымфиналда алман командасы Дёллингер  ⁄ Шредер мексикалылар  Ониверос Гомес ⁄ Вирджини Пулидо белән уйнаячак. Россиялеләрне 21:14, 14:21, 15:13 исәбе белән җиңгән алманлылар бу ярышларда уйналган алты матчның әле берсен дә оттырмады. Мексикалылар уйнаган тугыз матчның сигезе аларның җиңүе белән тәмамланды. Шуңа күрә уен бик кызыклы булырга ошый.

20:00 сәгатьтә соңгы этапка чыга алмаган командалар арасында бронза медаль өчен көрәш башланачак.

Кичә пляж волейболы үзәгендә хатын-кызлар арасында хәлиткеч матчлар уйналды. Башта Россия кызлары канадалылар Хумана  ⁄  Паред-Прискены җиңеп финалга чыкты һәм анда Польшадан Бржостек  ⁄ Колосиска пары белән очрашты. Кискен көрәштә россиялеләр 2:0 (21:19, 21:17) исәбе белән җиңүгә иреште.

Шулай итеп, алтын – россиялеләр Уколова ⁄ Хомяковада, көмеш – Польша кызлары Бржостек  ⁄ Колосискада, ә бронза алманлылар Лабореур ⁄  Суде парына эләкте.

Исегезгә төшерәбез, 2013 елгы Универсиадада  пляж волейболы буенча ярышлар 2013 елның 8 – 13 июль көннәрендә бара. Ирләр һәм хатын-кызлар командалары арасындагы турнирда 2 комплект медальләр уйнатыла. Ярышларда катнашу өчен 27 илдән 114 спортчы гариза биргән. Аларны 25 халыкара, 66 милли ктегорияле  91 казый хөкем итәчәк.

«Казан 2013» Башкарма дирекциясенең Медиа департаменты