Россия кызлары Универсиадада пневматик пистолеттан 10 метрга ату буенча команда зачетында алтын медаль яуладылар.

11 июльдә Ядрә белән ату һәм «Свияга» стендка ату комплексларында спорт атуы буенча ярышлар башланды.

Ату буенча Россия җыелма командасы спортчылары Универсиада ярышлары алдыннан бернинди басым һәм Лондондагы Олимпия уеннары вакытындагы кебек киеренкелек сизми, дип белдерде студентлар командасы составына кертелгән 2012 елгы Олимпия уеннары катнашучысы Дарья Вдовина.

Пуля белән ату буенча Россия җыелмасы Казандагы Универсиада вакытында җиңүләргә өметләнә, диде команда вәкиле, атучы Александр Алифиренко.

Стендка ату буенча Россия җыелма командасына Универсиада Уеннарында уңышлы чыгыш ясау өчен барлык шартлар да тудырылган, - дип белдерде 2013 елгы Универсиаданың стендка ату ярышлары директоры Сергей Демин.