Татарстан башкаласы чираттагы тапкыр дзюдо буенча зур спорт ярышларын кабул итәргә әзерләнә. 2011 елда зурлар арасында Россия чемпионатын һәм 2013 елда XXVII Бөтендөнья җәйге Универсиадасын уңышлы уздырганнан соң Казан дзюдо буенча 1998-2000 нче елгы егет-кызлар арасында Россия беренчелеге финалын уздыра.

26.12.2014  16:35

26 декабрьдә Татарстан Республикасы яшьләр эшләре һәм спорт министры Владимир Леонов "Спорт проектлары башкарма дирекциясе" КАО хезмәткәрләренә дәүләт бүләкләре - Казанда 2013 елда узган XXVII Бөтендөнья җәйге универсиадасының Россия Президенты тарафыннан гамәлгә куелган истәлекле медальләрен тапшырды.

08.12.2014  16:24

Бүләкләү тантанасы Миланда узды. 2013 елгы Универсиада турындагы фильм “Олимпия кыйммәтләре” номинациясендә җиңде һәм Олимпия уты эстафетасы турындагы "Пламя, которое согревает наши сердца" һәм парлы фигуралы шуу чемпионнары турында сөйләүче "Пара номер один. Больше чем любовь" дигән Россия картиналарын артта калдырды.

07.12.2014  18:26

2013 елда Казанда узган Бөтендөнья җәйге Универсиадасы турында сөйләүче “Ты – это мир” фильмы бу көннәрдә (3-8 декабрьдә) Миланда узучы Спорт киносы һәм телевидение халыкара фестиваленең төп призына номинацияләнгән. Картина фестиваль башланыр алдыннан күрсәтелгән, фестиваль нәтиҗәләре исә иртәгә ябылу тантанасында игълан ителәчәк.

28.11.2014  16:37

WorldSkills Competition-2019 дөнья чемпионатын Казанда уздыруның эшче һөнәрләр дөнья чемпионатын уздыруга төп заявка китабы итәргә тәкъдим ителүче концепциясен Санкт-Петербургта тәкъдим иттеләр. Биредә 27 ноябрьдән 29ына кадәр “WorldSkills Russia” профессиональ берләшмәләр һәм эшче кадрларны үстерү агентлыгы” союзының Генераль ассамблеясы узды.

"Хезмәткә һәм оборонага әзер" Комплексы фирма стиленең стиль тудыручы элементларының иң яхшы дизайн-макетын эшләүгә ачык конкурс Россия спорт министрлыгы һәм "Спорт проектлары башкарма дирекциясе" КАО тарафыннан игълан ителгән.

Узган атнада Мәскәүдә эре халыкара спорт чараларын уздырган вакытта волонтерлык программаларын гамәлгә ашыру тәҗрибәсен тикшерделәр. Семинарда футбол буенча 2018 елда Россиядә FIFA дөнья чемпионатын оештыручы илләр вәкилләре катнашты.

07.11.2014  15:24

Европа дзюдо союзы һәм Россия дзюдо федерациясе вәкилләре Казанга инспекция визиты ясадылар.

Халыкара җиңел атлетика федерациясе IAAF вәкилләре 2016 елда юниорлар арасында узачак дөнья чемпионаты алдыннан Казанга беренче инспекция визиты ясадылар. Аның төп максаты булачак ярышларның төп аренасы – Үзәк стадионны карау булды.

5-6 ноябрь көннәрендә Казанга Дзюдо Европа союзы вәкилләре киләчәк. Әлеге инспекция визиты Россиянең дзюдо буенча Европа чемпионатын кабул итүгә заявкасын карау алдыннан башкарылачак. Спортның бу төре буенча 2016-ЕЧ оештырылачак шәһәр 29 ноябрьдә Дубровник (Хорватия) шәһәрендә узачак Европа союзы конгрессында билгеле булачак.